“ဥာဏ်နည်းတဲ့ သူတွေဟာ သူများကိုချည်း အပြစ်တင် နေတတ်တယ်
ဥာဏ်နည်းနည်းရှိသူ တွေကျတော့ ကိုယ့်ကိုယ်ကိုယ်ပဲအပြစ်တင်တော့တယ်။
ဥာဏ်ပညာ ပြည့်စုံသွားတဲ့ သူကျတော့ သူများကိုလည်းအပြစ်မတင်ဘူး
ကိုယ့်ကိုယ်ကိုယ်လည်း အပြစ်မတင်ဘူး ဘာဖြစ်လို့ဆိုတော့
သူ့မှာ အပြစ်တင်စရာ ပုဂ္ဂိုလ် သတ္တ၀ါ ဆိုတာမှ မရှိတော့တာ ”
စိတ်ဆိုတာ မကောင်းမှုမှာ မွေ့လျော်တတ်လေတော့
အကုသိုလ် စေတသိက် လွှမ်းမိုးနေတဲ့အခါ ပညတ်တွေက ဒု နဲ့ ဒေး
ဝင်လာပြီး အဆင်မပြေမှုတွေ မှန်သမျှ သူများကြောင့်
ဆိုတဲ့ အတွေးတွေ ၀င်တတ်ပါတယ်။
သတိပဌာန်တရားရဲ့ အထောက်အပံ့ရသွားတဲ့ စိတ်မှာတော့
ကုသိုလ်စေတသိက် လွှမ်းမိုးသွားလို့
ယောနိသောမနသိကာယ ထားနိုင်ပြီး
နှလုံးသွင်းမှန်လာတဲ့အခါ အဆင်မပြေမှုတွေဟာ ကိုယ့်ကြောင့် ပါလား
ဆိုတဲ့ အတွေးတွေ ၀င်လာတတ်တယ်။
ကိုယ့်မှာ တာဝန်ရှိတယ် ကိုယ့်အပြစ်တွေ ပါပဲ
ကိုယ်က သံသရာမှာ ပျော်မွေ့ နေ တာကိုး
ကိုယ်ပျော်မွေ့ချင်တဲ့ ပတ်ဝန်းကျင်ဟာ ကိုယ့်ကို စိတ်ချမ်းသာမှု
အပြည့်အ၀ ပေးနိုင်ရဲ့လား
သူတစ်ပါးကို အပြစ်မမြင် အပြစ် မတင်တော့ပဲ
ကိုယ့်အပြစ်ကိုသာ များများမြင်ပါရစေ
ကိုယ့်အပြစ်ကို မြင်ရင်းနဲ့ပဲ
သူတစ်ပါးအပေါ် ကိုယ်ချင်းစာနာစိတ်နဲ့
မေတ္တာသက်ဝင် ချစ်ခင်နိုင် ပါရစေ
စာရေးဆရာ ( ဦး) မြသန်းစံ
““ ကျွန်တော် မကောင်းဘူး ”“ ၂၀၀၇ စာအုပ်မှ
No comments:
Post a Comment